Përshkrim
Sipas modelit të Republikës, por duke e rimarrë e rilexuar në mënyrë eklektike tekstin e filozofit grek të lashtësisë, duke e furnizuar bisedën me referenca kulturore të 25 shekujve të fundit të qytetërimit perëndimor, Badiou përdor dialogun sokratik si formë për t’iu qasur edhe një herë temave themelore të filozofisë: drejtësia, politika, e vërteta, në një përpjekje të re për të zbuluar domethënien e tyre sot. Në këto mbi 500 faqe dialogë, ku toni është herë i zjarrtë, herë lozonjar dhe i mbushur me humor, autori prek shumë nga temat e tij më të përzemërta: detyrat e filozofit dhe kuptimi i filozofisë, lidhja mes kësaj dhe dashurisë, politika dhe “gjëja e përbashkët”, e kështu me radhë.
